Ang Department of the Interior and Local Government (DILG) nipasidaan batok sa coronavirus disease (Covid-19) exemption cards taliwala sa mga pagdili nga gipahamtang sa mga wala pa nabakunahan kay wala’y ingon niana.

Ang tigpamaba sa DILG nga si Undersecretary Jonathan Malaya miingon nga nakadawat sila og report gikan sa Davao ug Soccsksargen nga daghang mga tawo ang nangangkon nga kini nga mga exemption card giila sa mga local government unit (LGUs) puli sa Covid-19 vaccination cards.

Siya niingon nga kini nga mga card gipakatap pinaagi sa mga grupo sa Facebook ug group chats.

Gihangyo ang mga tawo nga ibutang ang ilang ngalan, petsa sa natawhan, address, ug mga pirma sa green vaccination exemption card, ipa-print, i-laminate, ug irehistro sa ilang local government units.

“The so-called exemption cards look similar to the green Covid-19 vaccination cards being issued by several LGUs. Sa biglang tingin, aakalain itong tunay dahil pareho ng kulay, format at hitsura,” matod ni Malaya.

“Nananawagan tayo sa publiko na huwag magpapaniwala sa mga taong nagpapakalat ng Covid-19 vax exemption cards. Wala pong gano’n at peke po iyon. Agad magreport sa mga awtoridad kung merong ganitong insidente sa inyong mga lugar,” dugang niya.

Si Malaya niingon nga ang mga LGU dili mag-isyu niini kay gani tumong nila nga madani ang daghang mga tawo nga magpabakuna batok sa Covid-19.

Nanawagan usab siya sa mga lokal nga awtoridad nga mas magmabinantayon sa pag-inspeksyon ug pag-verify sa mga vaccination card sa mga utlanan sa probinsya ug rehiyon aron masiguro nga ang mga nabakunahan ra ang tugutan nga makabiyahe sa mga utlanan o tugutan nga mogamit sa publiko nga transportasyon, labi na sa Metro Manila kon diin gipatuman na ang “no vaccination, no ride/entry” policy. (TPM sa SunStar Philippines)