Pipila lang sila sa mga edaran nga Pinoy celebrity nga nagpabiling single ug walay anak. Unsa kahay ilang rason? Tan-awa kon kinsa sila apan kuwidaw... bawal ang judgmental sa Ssssuper Ka!
RODERICK PAULATE, 61 Anyos Si Roderick Paulate nisikat sa mga gay role mao nga daghan ang nagtuo nga bading siya. Apan sa 2018 interbyu sa kaulohan iyang giklaro nga dili siya bayot. Base sa Tempo.com.ph, duha ang nahimong ex-girlfriends ni Paulate. Una, ang non-showbiz nga si Atty. Olma Inocentes nga tua na nagbase sa US ug ang kanhi aktres nga si Jackie Aquino.
JED MADELA, 44 Padayong gihamok ang singing champion nga si Jed Madela sa gay issue ug padayon sab niyang gi-deny. Matod ni Madela sa mga interbyu nga dili niya i-pressure ang iyang kaugalingon nga magka-girlfriend aron lang pamatud-an nga dili siya bading.
MON CONFIADO, 53 Sa siyam katuig nga on-and-off relationship nilang Mon Confiado ug Ynez Veneracion from 2000 to 2009 wala sila tugahi og anak. Apan si Ynez nagkaanak sa laing karelasyon. Lakip sa nahimong ex ni Confiado sa showbiz ang sexy aktres nga si Juliana Palermo. Base sa 2018 article sa Pep walay anak ang aktor.
RICO BLANCO, 48 Maora na lag anak ni Rico Blanco ang uyab niya karon nga si Maris Racal nga mas manghod niya og 24 katuig. Ang Pinoy rock star na-link usab niadtong 2003 ni KC Concepcion apan wa gyud siya makasal sukad. Si Maris na kaha ang dad-on niya sa altar sa kaminyuon?
ROWELL SANTIAGO, 58 Si Rowell Santiago ang kanhi screen partner ug ex-boyfriend ni Sharon Cuneta human ni Gabby Concepcion. Apan ngano kaha sukad sa ilang break-up wala na ta kadungog ni Rowell nga na-link sa laing babaye? Base sa alammobato.blogspot.com si Santiago natawo Nov. 11, 1963.
BETONG SUMAYA, 46 Sa 2019 interbyu sa kaulohan ang Kapuso comedian nibutyag nga single pa siya ug lima katuig na siyang loveless. Hinuon, niangkon si Betong Sumaya nga usa sa iyang mga nauyab niadto ang sexy actress nga si Patricia Javier.
SEN. SHERWIN GATCHALIAN, 47 Tulo na katuig nga uyab silang Sen. Win Gatchalian ug 34-anyos nga aktres nga si Bianca Manalo. Apan lisud pa kuno silang magpakasal kay nag-angat ang eleksyon. Si Sen. Win ug aktres nga si Pauleen Luna nagkauyab usab niadtong 2008.
JOHN ARCILLA, 55 Usa sa mga in demand nga aktor sa nasud si John Arcilla. Apan wa siyay public records nga nakasal o kon duna ba siyay anak o kon kinsay iyang mga nakarelasyon? Si Arcilla naila lang sa iyang pagka-dog lover. Aduna siyay walo ka mga iro nga maoy iyang kauban sa balay.
ERIC QUIZON, 55 Karong adlawa, Enero 20, mao ang ika-55 nga kasumaran ni Eric Quizon. Niadtong 2014 gipangutana siya sa ABS-CBN kon nganong wala pa siyay lovelife, ang iya rang tubag nga busy pa siya isip estate administrator sa namatay niyang amahan nga si Dolphy.
APL.DE.AP, 47 Ang sikat nga Fil-Am rapper nga si Apl.de.Ap o Allan Pineda Lindo sa tinuod nga kinabuhi wala pa makasal o ma-engage base sa public records. Taudtaud na silang natsismis ni KC Concepcion apan ang tubag lang sa aktres: “He’s a great, great friend of mine.”