DAVAO DEL SUR -- Aduna na'y dul-an kapin sa lima ka gatos (500) nga mga Covid vaccine ang miabot ug gihatag sa taga Provincial Health Office ug adunay 272 nga mga kapulisan kauban ang ilang mga dependents ang nakapahimulos sa bakuna nga gipahigayon sa Davao Sur Police Provincial Office sa San Agustin, Digos City, Enero 19, 2022.
Sumala sa datus gikan kang PEMS Erniejun De Guzman Valencia, Provincial Executive Senior Police Officer (Pespo) sa Davao Sur Police Provincial Office (PPO), ang maong Resbakuna, Kasangga ng Bida sa Davao Sur PPO, kini pinaagi sa inisyatibo ni Police Colonel Giusseppe Geralde, acting provincial director sa DSPPO.
Dako kaayo ang kalipay sa mga miyembro sa kapulisan ug sa ilang mga pamilya sa natigayong resbakuna batok Covid-19 sa ilang lugar.
Ang programa inubanan sa mga personahe sa Regional Health Service (RHS)-Davao nga gipangunahan ni Police Captain Richard Ed Ebero, Medical officer sa RHS-Davao, lakip na sa iyang mga kaubanan gikan sa kaulohan nga miabot ug mitabang sa mga personahe sa DSPPO na mao pud ang mga natahasan sa paghatag og vaccination form, interview, monitoring, screening, encoder ug vaccinator.
Nahimong malampuson ang aktibidad uban sa temang "Tara na ug magpabakuna batok Covid-19, uban ta sa Bida Bakunation." (Jeepy P. Compio/Digos PNP)