Nagplano ang Davao Pilipinas nga kuhaon si Marc Pingris aron makatabang sa ilang kampanya isip representante sa Pilipinas sa sunod season ASEAN Basketball League (ABL).
Si Pingris, kinsa miretiro na sa Philippine Basketball Association (PBA), nahilakip sa bantugang nga magduduwa nga gustong kuhaon sa Davao Pilipinas aron idugang sa kasamtangan nilang puwersa.
Matod ni team manager Ray Alao nga nagpanikad na siya ning bag-o nilang tahas.
“We’re excited for this new challenge. This will be the biggest opportunity for us and we, together with Davao Occidental Gov. Claude Bautista and DUMPER-PTDA Rep. Claudine Diana Bautista, are working hard to put up a strong team this coming ABL season,” matod ni Alao nga napatik sa Spin.ph.
Ang Davao Pilipinas adunay mga magduduwa nga beterano na sa ABL.
Usa niini mao si Jerwin Gaco, kinsa nakadaog og titulo dihang nagduwa kini sa Philippine Patriots sa 2010 ABL season.
Naa sab sila si Paolo Hubalde ug Robby Celiz, kinsa parehong nagduwa sa Alab Pilipinas nga ningkombati sab ning maong regional league.
Sakop sab sa Davao Pilinas ang mga ex-PBA nga sila si John Wilson, Billy Ray Robles, Bonbon Custodio, ug Keith Agovida.
Mokompleto sa team mao sila si Joseph Terso, Emman Calo, Jason Grimaldo, Gab Dagangon, Allan Santos, Chris Lalata, Marco Balagtas, Irvin Palencia, ug Joe Presbitero.
Ang Pilipinas Davao naporma gikan sa Davao Occidental Tigers nga midaog og titulo sa Maharlika Pilipinas Basketball League (MPBL) Lakan Cup ug nakasulod sa semis sa Filbasket Subic Championship.