ANAA sa 232 bag-ong kaso sa Covid-19 ug wala'y patay ang natala sa Dakbayan sa Cagayan de Oro Huwebes, Enero 20, 2022.

Sumala sa report sa City Health Office, sa 232 ka mga bag-ong lokal nga mga kaso, 12 ang mga returning overseas Filipinos (ROFs) ug 220 ang mga local transmissions.

Matud ni medical officer Dr. Ted Yu, sa 220 ka mga bag-ong lokal nga kaso, 137 ang mga local index nga kaso, 36 ang mga close contacts sa mga pasyenteng nagpositibo sa coronavirus, 26 ang mga authorized persons outside residence (Apors), 10 ang mga Apors with link, ug siyam ang mga persons deprived of liberty (PDLs).

Nakatala ug duha ka mga patay ang dakbayan.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 21,535.

Adunay 967 aktibo nga kaso ang dakbayan, 227 niini na-admit sa Northern Mindanao Medical Center ug uban pang mga ospital sa syudad, 702 ang mga outpatient, ug 38 ang mga ROF/LSI.

Nakatala usab og duha ka mga pasyente nga nakarekober sa sakit. Anaa na karon sa 19,710 ang ihap sa mga nakarekober sa dakbayan.

Ang ihap sa mga namatay sa Covid-19 sa syudad anaa na sa 858.