Moabot sa 25 ka mga tawo ang nadakpan sa Police Regional Office (PRO) 7 sa usa ka semana nga pagpatuman sa gun ban sa tibuok rehiyon 7 sugod sa Enero 9, Dominggo, isip pagsugod sa election period nga motapos sa Hunyo 8, 2022.
Gikan sa Enero 9-18, nakahimo ang kapulisan og 1,615 ka Commission on Elections (Comelec) checkpoints.
Sa talaan sa PRO-7 Regional Election Monitoring Action Center (REMAC-7),25 ka mga tawo ang nadakpan ug pagkasakmit sa 13 ka dili lisensyado nga mga armas.
Ang mga dinakpan gipasakaan og kasong kalapasan sa R.A 9165 kun Comprehensive Dangerous Drugs Act of 200 ug R.A 10591 kun Comprehensive Firearms and Ammunition Regulation Act.
Dugang ni Vega, gisuspenso ang Permit to Carry Outside Residence (PTOR) sa gun holders tibuok nasud nunot sa Comelec gun ban.