ANG Narional Task Force (NTF) Against Covid-19 medical adviser nga si Dr. Ted Herbosa nagkanayon nga ang pag-ubos sa kaso sa coronavirus disease (Covid-19) nga natala sa Department of Health (DOH) dili kasegurohan nga magpadayon kini nga kahimtang.

“Mahirap magsabi na ito na nga ‘yung pababa. Although negative nga at bumababa because of the past two days, mabilis pa nga yung pagbaba, hindi pa rin tayo nagre-relax. We are still cautious,” matod ni Herbosa sa pakighinai sa usa ka estasyonan sa telebisyon.

Matod niya nga ang Covid-19 cases trend susihon pinaagi sa one-week average daily attack rate ug growth rate.

Sa pagkakaron, si Herbosa nagkanayon nga ang mga ospital nangandam pa sa posibling pagtaas sa Covid-19 admissions.

Sa sayo pa, si Health Secretary Francisco Duque III niingon nga bisan sa pagtaas sa kaso sa Covid-19 sa nasod, ang hospital utilization rate nagpabilin nga naa sa low risk.

Niadtong Miyerkules, Enero 19, ang Department of Health (DOH) nitaho nga dunay kinabuk-ang 22,958 ka mga bag-ong kaso sa Covid-19 sa nasod, unang higayon nga ang daily tally niubos sa 30,000.

Sa Metro Manila, nag-una sa pagsaka sa kaso sa Covid sa nasod, dunay 8,376 ka bag-ong kaso nga natala.

Ang Octa research group nagkanayon nga ang National Capital Region (NCR) ubos sa 10,000 daily cases sa miaging duha ka semana.

Ang maong ihap sa kaso sa NCR niubos pag-ayo ngadto sa 1.79 percent gikan sa 4.24 sa miaging semana, samtang ang sinimana nga growth rate nahimong negatibo sa unang higayon sukad sa Disyembre 24, 2021.

“The pattern is very similar to the South Africa experience of a rapid surge followed by a dramatic decrease in infections,” matod ni Octa fellow Dr. Guido David sa pamahayag niadtong Miyerkules, Enero 19.

“While this is (an) encouraging news, it must be emphasized that NCR remains at critical risk, as the average daily attack rate and the positivity rate are still above critical levels and that residents are advised not to be complacent and still comply strictly with minimum public health standards so as not to prolong the surge of infections,” pulong ni Dr. David. / SunStar Philippines