GIPAHIBALO sa lokal nga panggamhanan sa Davao City nga mag-abli og dugang tulo ka mga Covid-19 Cluster Clinics aron nga mas palig-unon pa ang Covid-19 response sa Siyudad sa Davao.
Base sa report sa Covid-19 Task Force, ang ikaduhang cluster clinic nga pagaablihan maoy mo-cater sa mga taga Tugbok, Calinan ug Baguio District, samtang ang ikatulo maoy mo-cater sa mga taga Marilog District ug ang ikaupat nga cluster clinic alang sab sa mga taga Sasa ug Bunawan.
Gilauman nga maablihan kini sa dili pa mahuman ang first quarter karong tuiga. Abli 24/7 aron nga maatiman ang mga Covid-19-related nga mga kinahanglan sa mga Dabawenyos.
Sama sa free contact tracing, consultation and medicine, swab test, quarantine o isolation, transportation, pagkaon alang sa suspected, probable ug confirmed Covid-19 cases.
Aduna say telemedicine consult alang sa mga Dabawenyo ug may mga doctors nga mamahimong maka-istorya may kalabutan sa Covid.
Sa milabay nga tuig, giablihan sa lokal nga kagamhanan ang pinakaunang cluster clinic sa Doña Vicenta Village sa Bajada.