Mga LGU sa 5th district mitabang sa Alegria

RESPON­DERS: Ang team sa emergency responders gikan sa unom ka mga lungsod sa 5th district, pinangulohan sa Dakbayan sa Danao, miabot sa lungsod sa Alegria aron pagtabang sa lungsod nga makabangon human sa bagyong Odette. / gikan sa Danao City LGU
RESPON­DERS: Ang team sa emergency responders gikan sa unom ka mga lungsod sa 5th district, pinangulohan sa Dakbayan sa Danao, miabot sa lungsod sa Alegria aron pagtabang sa lungsod nga makabangon human sa bagyong Odette. / gikan sa Danao City LGU

Aron matabangan ang lungsod sa Alegria sa kadaot nga nahiaguman niini tungod sa bagyong Odette, nagkahiusa ang unom ka mga lungsod ug usa ka siyudad sa ika-limang distrito sa pagpadala og mga grupo nga moabag sa pagpabarog sa kabalayan sa lungsod.

Nalakip sa maong mga lungsod ang Compostela, Catmon, San Francisco, Poro, Pilar, Tudela, ug Danao City.

Kini maoy gipahibaw sa kagamhanan sa dakbayan sa Danao human nga nigikan ang moabot 50 ka mga disaster ug rescue personnel paingon sa Alegria.

Gidala sa team ang mga heavy equipment alang sa nagpadayong clearing operation, water trucks ug rescue trucks alang sa rebuilding operations.

Pinangulohan ni Danao City Mayor Ramon “Nito” Durano III, gianunsyo niini nga bukas ang Siyudad nag moabag ug mopahuwam og assistance sa mga lokalidad sa probinsya sa Sugbo nga apektado sa bagyong Odette.

“Even though my beloved Danao City was not spared from the widespread devastation of Typhoon Odette, I am still thankful to our God Almighty for blessing us with ample resources and manpower that made our city recover this quick. With this recovery, we want to extend our helping hand to other LGUs (local government units) badly hit by Odette and are still in need of assistance,” matod ni Durano.

Gawas sa manpower, mitunol usab ang mga Durano og P200,000 isip pinansyal nga ayuda sa Alegria.

Mi-turnover usab og tag P100,000 nga cash aid sa kagamhanan ug sa kinadak-an nga barangay sa lungsod si kanhi Tourism Sec. Joseph Felix Mari ‘Ace’ Durano.

“We initially extended cash since it was difficult to access the southern towns immediately after Odette. But we’re glad that we’re now able to reach this part of the province and we’ve seen how much help is still needed. During the time sa Yolanda, arang-arang gamay kay adunay ubay ubay nga International Aid. Karon mas lisod samotan pa nga pandemya,” matod ni Ace Durano.

Ang lalawigan sa Sugbo, padayon pa sa pagbangon human nga miigo ang bagyong Odette sa Sugbo sa Disyembre 16, 2022.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph