Kapiyestahan sa lungsod sa Carmen alang sa patron nga si Senyor Santo Niño saulogon pinaagi sa motorkada sa imahen karong adlawa, Enero 23, 2022.
Ang bag-ong nilingkod nga hepe sa kapulisan sa lungsod sa Carmen, Police Major Eric Gingoyon, niingon nga himuon ang motorkada sa imahen sa Balaang Bata palibot sa lungsod.
“Duna himoon nga motorcade human sa misa mga alas 5:00 sa hapon sa Dominggo sa palibot sa lungsod. Sa among meeting uban sa simbahan dinha ra sa national highway ug dili na mosulod sa mga sudlonon kay gamay ang dalan,” matod ni Gingoyon.
Matod ni Gingoyon nga ilang nauyonan sa meeting nga dinha nalang sa highway sukwahi sa unang nasabutan nga mosulod sa mga sudlonon nga bahin sa lungsod ug maihap lang ang mokuyog sa motorkada.