ORMOC CITY - Gipirmahan ni Ormoc City Mayor Richard Gomez ang Executive Order (EO) 235-B subay sa bag-ong quarantine status sa dakbayan, epektibo niadtong Enero 16 hangtud Enero 31, 2022.
Mao kini ang mga kabag-ohan subay sa guidelines gikan sa National Inter-Agency Task Force (IATF) against Covid-19 diin gipaubos sa Alert Level 3 ang Ormoc City.
Gidili ang face to face o in-person nga klase alang sa basic education lakip sa contact sports sama sa basketball, boxing ug karate.
Temporaryo nga sirado ang kid amusement industries sama sa playground, playroom ug kiddie rides lakip sa karaoke bars, clubs, concert halls ug theaters.
Gidili ang pundok pundok ug panagtapok sa balay, kon naay birthday ug ubang okasyon, gidili ang pagdawat og bisita gikan sa laing balay.
Temporaryo nga sirado ang casino, horse racing ug mga sabongan, gawas lang kon dunay pagtugot sa IATF o sa office of the President. Ang mga meeting, conference, celebration, tourist destination, internet café, bilyaran, swimming pools, restaurant ug ubang mga recreational venues, pwede ra basta 30% lang sa total capacity kon indoor ug 50% kon outdoor ug dapat dunay permit.
Ang mga fitness gym, beauty salon, parlors, barbershop, spas ug ubang cosmetic and aesthetic services, pwede ra mag-operate basta 30% lang sa total capacity kon indoor ug 50% kon outdoor.
Pwede ra ang mga aktibidad sa mga building nga iya sa LGU-Ormoc basta dunay pagtugot sa LGU ug dapat 50% lang sa total capacity.
Ang mga suspect/probable ug close contact nga fully vaccinated, 7 days lang ang isolation. Sa partially vaccinated or unvaccinated, 14 days ang isolation. Kon health care worker nga fully vaccinated, 5 days ang isolation ug 14 days kon partially vaccinated or unvaccinated (depende sa assessment).
Ang mga confirmed case (mild ug asymptomatic) nga fully vaccinated, 7 days lang ang isolation ug 10 days kon partially vaccinated or unvaccinated.
Walay lockdown sa Ormoc apan kon mosulod sa mga establisemento, dapat magpakita og vaccination card. Kon 1st dose pa lang ug wala pay vaccination card or dili pa pwede mabakunahan, pwede ra mangayo sa RHU o City Health og certification.