Moagi og operasyon ang guard sa Chicago Bulls nga si Alex Caruso sunod semana aron i-repair ang broken right wrist nga resulta sa pag take down ni Grayson Allen sa ilang duwa batok Milwaukee Bucks niadtong Sabado.
Matod sa team nga kinahanglan og evaluation sa team si Caruso human ang unom o walo ka semana.
Dako kini’g apekto sa Bulls kay si Caruso man man ang back-up point guard ni Lonzo Ball nga naka-schedule pud og arthroscopic surgery sa iyang left knee.
Si Caruso nag-average og 8.4 puntos, 3.9 rebounds ug 3.9 assists sa 28 ka duwa sa iyang unang season sa Bulls.
Ang Bulls anaa karon sa ikaduhang pwesto sa Eastern Conference nga adunay 28 ka daog batok 16 ka pilde.