Ang eight-division world champion ug boxing legend nga si Manny Pacquiao midayeg kang Mark Magsayo sa kadaogan niini batok sa Amerikanong boksidor nga si Gary Russell Jr.
Si Pacquiao, kinsa miretiro sa boxing sa miaging tuig, nagpasalamat pud kang Magsayo sa paghatag og dungog sa nasod.
“Congratulations, @markmagsayo_MMM, on your first world championship! Thank you for bringing honor to our country by becoming the latest Filipino world boxing champion. Welcome to the club,” post ni Pacquiao sa iyang Twitter page.
Si Pacquiao mao ang idolo ni Magsayo sa boksing. Siya pud ang tag-iya sa MP Promotions nga mao ang gadala karon sa karera ni Magsayo.