Gianunsyo sa Philippine Basketball Association (PBA) nga mobalik ang aksyon sa Governor’s Cup sa premirong semana sa sunod buwan.

Kining maong lakang hiniusang giaprubahan sa Board of Governors atol sa ilang panaghugpong kagahapon, Enero 24, 2022.

Ang PBA wala pa nakapahigayon og duwa sa 2022 human nila gipahunong ang kombati sa komperensya human sa Pasko sa miaging tuig gumikan sa pagsaka sa mga kaso sa Covid-19.

Nagkanayon si Commissioner Willie Marcial nga naghuwat na lang sila sa pagtugot sa local government units pinaagi sa Metro Manila Development Authority (MMDA) aron makasugod na’g praktis ang ilang miyembrong teams.

Dihang nahunong ang mga duwa sa komperensya, gidid-an una sa PBA ang ilang teams nga makapahigayon og five-on-five scrimmages.

Sa dili pa mobalik ang aksyon sa komperensya, ang adunay 10 ka mga adlaw aron makapraktis.