Nagkanayon si heavyweight legend Mike Tyson nga wala pa siya mabayri sa hingpit sa iyang premyo sa exhibition fight nila ni Roy Jones Jr. nga gipasiugdahan sa Triller pay per view.

Mao kini ang gibutyag ni Tyson sa “Full Send Podcast” kauban si UFC president Dana White.

Ang exhibition bout, nga gipahigayon niadtong Nobiyembre, 2020 gikatahong nakahalin og 1.6 million PPV buys.

Ang Hall of Fame fighter giingong adunay $10 million nga ganti apan iyang giklaro nga aduna pa’y tipik niini nga wala niya nadawat hangtod karon.

“Most of it, but there’s still a bunch that’s held up and I can’t even say anything about this. Yeah, it was really tricky,” pasabot ni Tyson nga napatik sa www.boxingscene.com.