Ang private homeowners sa lungsod sa Consolacion sa amihanan sa lalawigan sa Sugbo nitabang sa AboitizPower subsidiary Visayan Electric Co. (Visayan Electric) sa pagpahibalik sa power sa Royale Cebu Estates Subdivision, usa sa mga dapit sa norte nga grabeng naapektohan sa bagyong Odette.

Bisan dili sila kontraktor sa Visayan Electric, ang private engineering companies BNR Construction ug Ebatech Corporation, ningtanyag sa ilang manpower ug mga ekipo sa pag-abag sa Visayan Electric sa pagbalik sa power sa subdivision, diin gatosan ang namuyo.

Si Roger Hsia, presidente sa BNR Construction, niingon nga ang kompaniya nipahulam sa ilang backhoe, crane, trucks, ug mga trabahante alang sa paghawan sa dalan, pagkuha sa mga poste nga natumba, pagbuho, pagdala og bag-ong poste ug pagpabarog sa mga poste sa elektrisidad sa dapit.

“The widespread damage has made restoration efforts more challenging and demanded extensive work for Visayan Electric and its linemen,” matod ni Hsia.

Bisan ang kompaniya walay igong kahibalo sa pagbalik sa power, ang ilang tabang mao ang pag-ayuda sa mga sakop sa Visayan Electric ug ubang kawani sa distribution utility nga nitabang usab sa paningkamot sa pagpadali sa pahibalik sa power.

Sa Royale Cebu Estates lang, dunay 56 ka poste sa kuryente o 80 percent sa poste sa dapit ang natumba ug nadaut, gawas pa kini sa ubang dapit sa Metro Cebu.

Si Ernie Abunda, presidente ug general manager sa Ebatech Corporation, niingon nga nitanyag sa ilang tabang sa pagpabalik sa power sa ilang subdivision.

Ang Ebatech, kompaniya nga moinstalar, testing, ug commissioning sa electrical facilities, nipahuwam usab sa ilang mga kawani alang sa pole dressing ug stringing.

“This is the best time to help our community. We are doing this to help restore the power supply in our neighborhood,” matod ni Abunda.

Gawas sa iyang 15 ka linemen, support teams, ug drivers, ang Ebatech nipahulam usab sa ilang boom trucks lakip sa 10-wheeler ug six-wheeler trucks sa paghakop sa mga poste.

Human sa pagkusokuso sa bagyong Odette niadong Disyembre 16, 2021, 250 ka linemen gikan sa private distribution utilities sa ubang bahin sa nasod ug bisan ang affiliated sa AboitizPower ang ning-abag alang sa dinaliang pagpabalik sa kuryente sa Sugbo.

Ang Visayan Electric nipalit dili pa lang dugay og siyam ka bucket trucks nga napuno sa iyang mga specialized equipment ug naghikay alang sa dugang 30 ka linemen ug laing lima ka bucket trucks.

Ang private companies nahimong solidong tabang nga gikinahanglan sa Visayan Electric nga dunay 474,182 nga naapektohang mga kustomer. (PR)