Pito ka mga highly-urbanized cities (HUCs) gawas sa Metro Manila nakatala og taas nga bag-ong mga kaso sa coronavirus disease (Covid-19) sukad niadtong Enero 23, apan ang pagsaka sa kadaghanan sa HUCs wala pa moabot sa tumoy,matod ni Octa research fellow Dr. Guido David sa Lunes, Enero 24, 2022.

Matod ni David nga ang mga siyudad sa Bacolod, Baguio, Butuan, Davao, General Santos, Iloilo ug Mandaue nakatala og bag-ong taas nga mga kaso base sa datos sa Department of Health.

Matod niya nga ang Davao City nakatala sa labing daghang bag-ong mga kaso nga 1,831, gisundan sa Baguio City nga adunay 902 ug Cebu City nga adunay 846.

Sa HUCs, ang Baguio City adunay labing taas nga average daily attack rate (Adar) nga 161.90 kada 100,000 ka indibidwal, gisundan sa Iloilo City nga adunay 95.84, nga nagbutang kanila ubos sa severe risk classification sa coronavirus infection.

Ang Angeles City, Bacolod, Butuan, Cagayan de Oro, Cebu City, Davao City, Lapu-Lapu, Lucena, Mandaue, ug Tacloban giklasipikar ubos sa taas kaayong risgo sa outbreak.

Ang Adar sa dakbayan sa Sugbo misaka gikan sa 56.16 niadtong Enero 22 ug ngadto sa 63.64 niadtong Enero 23, samtang ang Mandaue misaka gikan sa 33.40 ngadto sa 39.74, ug ang sa Lapu-Lapu nitubo gikan sa 49.18 ngadto sa 53.73.

“Surge has not peaked yet in most HUCs outside NCR (National Capital Region),” matod ni David.

Samtang, ang NCR ug ang mga probinsya sa Laguna, Mountain Province, Cavite, Bataan, Kalinga, Ilocos Norte, La Union, Rizal, Davao del Sur, Apayao, Nueva Vizcaya, Cagayan, Iloilo, Ifugao, Pampanga, Cebu ug Bulacan maoy nakatala sa labing taas nga lebel sa peligro sa Covid-19 base sa Adar.

Ang NCR Plus areas, nga naglakip sa mga probinsya sa Cavite, Rizal, Laguna ug Bulacan, nitala og negatibo nga usa ka semana nga growth rate, usa sa mga timailhan sa Covid-19 trend sa usa ka lugar.

“Magandang balita yan kasi ibig sabihin bumababa na ang bilang ng kaso,” matod ni David sa usa ka Laging Handa press briefing.

“Kung mapapanatili itong trend, maaring by Valentines, baka less than 1,000 cases per day at moderate risk na lang may possibility na ilower ng IATF (Inter-Agency Task Force) at DOH (Department of Health) na ibaba ang alert level,” dugang niya. / TPM sa SunStar Philippines

Hinuon, ang Mountain Province, Ilocos Norte, Davao del, Apayao, Iloilo, Ifugao ug Cebu anaa gihapon sa kapin sa 100 porsiyento nga growth rate.

Ang Ifugao adunay pinakataas nga usa ka semana nga growth rate nga 307 porsyento, gisundan sa Davao del Sur nga 302 porsyento, Apayao nga adunay 234 porsyento ug Mountain Province nga adunay 226 porsyento.

Ang usa ka semana nga growth rate sa Ilocos Norte anaa sa 108 porsyento, Iloilo sa 139 porsyento ug Cebu sa 177 porsyento. / TPM sa SunStar Philippines