Ang pagdagsang sa mga kaso sa coronavirus disease (Covid-19) sa nasod nga gituohang dala sa Omicron nga variant mahimong mas dugay kay sa wave sa mga impeksyon dala sa Delta variant sa miaging tuig, matod ni Octa Research fellow Dr. Guido David sa Lunes, Enero 24, 2022.
Giingon ni David nga naglaum sila nga ang karon nga pagdagsang matapos sa katapusan sa Marso o Abril.
“Medyo matatagalan ‘yung Omicron wave kasi kahit na medyo bumababa na sa NCR (National Capital Region), Cavite, Rizal, pataas pa lang sa ibang lugar at may mga lugar na hindi pa nagkakaroon ng pagtaas eh,” matod niya atol sa Laging Handa public briefing.
“We are hoping na by around March to April ay tapos na ‘yung Omicron wave sa buong bansa natin, which means baka makikita natin na less than 1,000 cases per day, pero hindi pa guaranteed ‘yon,” dugang niya.
Ang Pilipinas nakasinati og surge niadtong Agusto 2021 tungod sa Delta variant, nga unang namatikdan sa nasod niadtong Hulyo.
Ang surge napugngan kaniadtong Oktubre ug ang mga kaso mikunhod gikan sa Nobiyembre hangtod Disyembre.
Bisan pa, laing surge nag sugod sa Enero 2022 tungod sa labi ka mananakod nga Omicron variant, nga una nga nakit-an sa nasud kaniadtong Disyembre 2021.
Si Health Secretary Francisco Duque niingon nga ang Metro Manila niabot na sa peak sa Omicron surge apan ang 4th wave daw nagsugod pa lang sa mga probinsya gawas sa NCR.
Matod niya nga hisgotan sa Inter-Agency Task Force ang posibleng pagluag sa quarantine status sa Metro Manila, nga ubos sa Alert Level 3 hangtod sa Enero 31.
Bisan pa sa pagkunhod sa mga kaso sa Metro Manila, giawhag ni David ang mga residente nga dili mokompyansa ug magpadayon sa pag-obserbar sa minimum nga mga protocol sa kahimsog aron mapugngan pa ang pagkaylap sa virus. (TPM sa SunStar Philippines)