Usa ka mananagat nga top 2 most wanted person (MWP) tungod sa 2 counts sa kasong lugos nasikop, alas 12:15 sa kaadlawon niadtong Sabado, Enero 22, sa Brgy. Gairan, dakbayan sa Bogo.
Ang nasikop mao si Ronie (di tinuod nga ngan), 48, minyo, nagpuyo sa nahisgutang lugar.
Si Ronie nasikop sa joint tracker team sa Bogo City Police Station.
Si Police Executive Master Sgt. Winston Isnani, imbestigador sa Bogo City Police Station, nisaysay sa Superbalita Cebu nga si Ronied niangkon sa krimen human giingong naibog sa menor de edad nga pag-umangkon.
Gisikop siya subay sa warrant of arrest nga giisyu ni Judge Glenn N. Jumao-as sa RTC7 Branch 81 sa dakbayan sa Bogo, gipitsahan og Disyembre 1, 2021 ug walay piyansa nga gitugot.