Naguol si Talisay City Mayor Gerald Anthony “Samsam” Gullas human matapti sa coronavirus disease 2019 (Covid-19) ang iyang pamilya.

Gibutyag ni Gullas nga nalakip sa mga nagpositibo sa virus ang iyang 10-anyos ug 2-anyos nga mga anak.

“It saddens me to say this but for transparency since I’m a public official, my whole family has tested positive for Covid-19,” matod ni Gullas sa Enero 24, 2022.

“What I’m worried about is we rushed Pining to the hospital last Saturday because she was vomiting constantly,” dugang ni Gullas.

Unang nipakita og simtomas sa Covid-19 ang iyang asawa nga si Rhea sama sa clogged nose ug gamayng ubo. Samtang ang mayor nakasinati usab og panakit sa kalawasan ug sip-on.

Negatibo silang duha sa antigen test nga gihimo apan nagpositibo sa sakit ang mga kaubanan sa panimalay.

Sa sunod nga test, nagpositibo ang iyang asawa samtang siya negatibo sa labing uwahing test kagahapon sa buntag.

Hinungdan nga nag isolate na ang mayor ug ang mga kauban niini ingon man gikan sa trabaho.

Subay niini, gipasalig ni Gullas nga magpadayon ang operasyon sa City Hall taliwa sa padayong hulga sa sakit sa syudad. / ANV

Base sa uwahing datos sa kagamhanan, nagmonitor kini sa 447 ka mga aktibong kaso sa Covid-19.

Tungod niini, nanawagan si Gullas nga panalipdan ang mga hinigugma ug pamilya pinaagi sa pagpabakuna.

“Please get vaccinated as soon as possible. You can help protect your loved ones, especially the young ones who are not eligible yet and those who can’t get vaccinated for medical reasons, by getting vaccinated.”