STA. CRUZ, Davao del Sur -- Gituohang gi-tortured ang patay'ng lawas sa babaye nga napalgan sa baybayon sa Barangay Zone II sa nasampit nga munisipalidad sa miaging semana, suma sa kapulisan.
Una niini, nakurat ang mga residente dihang midunggo sa baybayon ang patay'ng lawas sa babaye kinsa nakahigot ang kamot, gibaatan ang baba og packaging tape ug gitalian og galon nga dunay semento.
"Gibato-batoan ning biktima, dili ni taga diri, wala gyod mi kaila sa biktima," sulti ni Ernie Jalocon, usa sa mga residente sa dapit nga nahinabi sa Superbalita Davao.
Gituohan sab sa kapulisan sa Sta. Cruz Municipal Police Station nga lagmit sa mga kasikbit nga dapit ang biktima ug napadpad sa baybayon sa Barangay Zone II gumikan sa sulog.
Gipanawagan sab sa kapulisan kung kinsa man ang nawad-an og miyembro sa pamilya, usa kini ka babaye nga nagpangedaron og 35-45 anyos, anaa kini sa lokal nga punerarya sa Sta. Cruz ug makigkoordinar sa kapulisan.