Gipahibawo sa Nasudnong Kagamhanan nga ang rollout sa pagbakuna batok sa coronavirus disease 2019 (Covid-19) sa mga bata nga nag-edad og 5 anyos hangtod 11 anyos sugdan sa sa Pebrero 4, matod ni National Task Force (NTF) chief implementer Carlito Galvez Jr. sa Lunes, Enero 24.

Matod ni Galvez nga ang Department of Health (DOH) mopagawas og guidelines sa pagbakuna sa maong grupo sa edad sulod ning semanaha.

Matod niya nga ang mga dose sa bakuna alang sa mga bata nga nag-edad og singko moabot sa sunod semana.

“Mister President, prepared na po tayo sa vaccination ng five to 11 years old. Last January ay nagkaroon po tayo ng live orientation ng pagbabakuna ang US Embassy ng mga bata sa ganitong edad. And then later, nagkaroon po ng mga follow-ups, similar orientations to other regions,” matod ni Galvez sa iyang presentation atol sa Talk to the People Address ni Presidente Rodrigo Duterte sa Lunes sa gabii, Enero 24.

“Makaka-assure po tayo, Mister President, sa ating mga magulang na very safe ang ating gagamitin na bakuna dahil ito ay mas mababa ang formulation na angkop para sa mga bata. Kaya kung makikita po natin sa vials may color coding, ‘yung orange at saka po ‘yung purple. Iyong orange po para po sa five to 11 years old,” dugang niya.

Matod pa ni Galvez nga ilang gipaabot nga mas sayon ​​ang paglusad sa pagbakuna sa maong mga bata tungod kay aduna nay mga kasinatian ang mga local government unit atol sa pagbakuna sa mga batan-on o niadtong nag-edad og 12 ngadto sa 17, nga nagsugod niadtong Nobyembre 2021.

Matod niya nga ablihan ang mga hospital ug non-hospital vaccination sites alang sa maong populasyon.

Kaniadtong Enero 24, adunay kinatibuk-an nga 123,365,808 nga dose sa mga bakuna sa Covid-19 ang nahatag sa nasud.

Sa kinatibuk-an, 57,268,257 ka mga indibidwal ang nakadawat sa hingpit nga inoculation, 59,799,215 ang nakadawat sa unang dose ug kapin sa unom ka milyon ka mga tawo ang nakadawat sa ilang booster doses.

Samtang ang Cebu City Government nangandam na para sa umaabot nga pagbakuna sa mga menor de-edad nag-edad og singko ngadto sa 11 anyos.

Si Dr. Jeffrey Ibones, Cebu City Health Department niingon nga nihatag na og go signal ang national government nga makahimo na pagsugod og bakuna sa maong age bracket sunod buwan. (PAC, TPM sa SunStar Philippines)