Si Health Secretary Francisco Duque niingon niadtong Lunes, Enero 24, nga ang coronavirus disease (Covid-19)-related nga kamatayon sa nasud nagkadaghan taliwala sa pagdagsang dala sa Omicron variant.

Si Duque niingon nga gikan sa Enero 1, niabot na sa 594 ang nangamatay o average nga 25 ang nangamatay matag adlaw nga natala sa nasod.

“Mula noong nagtaas tayo noong September ay tuloy-tuloy naman bumaba pero may nakita na naman po tayo dito umpisa ng mid-January ay tumataas na naman po ang ating mga bilang ng pumapanaw,” matod niya sa iyang report atol Talk to the People Address ni Presidente Rodrigo Duterte sa Lunes, Enero 24.

“Hindi ko lang po masyadong makita rito pero iyan po ang ating nakikita, nag-uumpisa na pong tumaas muli ang ating mortality or deaths ‘no based on this curve,” dugang ni Doque.

Ang Department of Health (DOH) nakatala og kinatibuk-ang 3,442,056 ka kaso sa Covid-19 sukad sa pagsugod sa pandemya niadtong 2020. Sa pagkakaron anaa na sa 53,519 ang namatay sa nasud, samtang 3,125,540 ang naka-recover.

Nakasinati ang Pilipinas og Covid-19 surge niadtong Agusto tungod sa mas mananakod nga Delta variant, nga unang na-detect sa nasud niadtong Hulyo.

Ang pagdagsang napugngan kaniadtong Oktubre ug mikunhod gikan sa Nobyembre hangtod Disyembre.

Laing spike sa mga kaso nahitabo sukad sa pagsugod sa Enero tungod sa labi ka mananakod nga variant nga Omicron, nga una nga nakit-an sa nasud kaniadtong Disyembre.

Si Duque miingon nga ang variant sa Omicron nahimong dominante sa mga sample nga gipaagi sa genome sequencing. (TPM sa SunStar Philippines)