SIKOP ang tulo ka mga indibiduwal atol sa drug buy-bust operation sa mga sakop sa Sta. Ana Police Station sa pagpanguna sa station commander, Police Major Jake Goles, ala 1:30 sa hapon, Enero 25, 2022, sa Quezon Boulevard, Barangay 24-C, Davao City.

Giila ni Major Goles ang mga suspek nga sila Regner Capoy alyas Regner, 52-anyos, taga New Loon, Tugbok; Mangandog Abubakar, 54-anyos, taga Purok 2, Isla Verde Barangay 23-C; ug usa ka babaye nga 18-anyos nga taga Barangay Leon Garcia Sr., Agdao, Davao City.

Nakuha sa posisyon sa mga suspek ang lima ka mga pakite sa shabu, motimbang og 10 gramos nga mokantidad sa P160,000.

Sumala ni Goles nga ang pagkasikop sa tulo ka mga suspek makakubos sa problema sa ilegal nga druga sa Barangay 24-C tungod kay ilado kini nga tigbaligya sa maong barangay. Jeepy P. Compio)