GIBALIK na sab isip tigpamabang opisyal sa Davao City Police Office (DCPO) si Police Major Ma. Theresita Gaspan human nga nag-schooling kini diin gihulip kaniya mao si Police Major Rosario Aguilar.
Epektibo Enero 26, 2022, si Major Gaspan na sab ang spokesperson sa DCPO ubos sa pagpamuno sa kasamtagan nga director Police Colonel Kirby John Kraft.
Gipulihan sab ni Gaspan si Aguilar kinsa mao na karon ang station commander sa Ecoland Police Station.
Si Gaspan maoy spokesperson sa DCPO niadtong 2017 sa panahon ni Police Brigadier General Alexander Tagum kinsa mao na karon ang director sa Police Regional Office (PRO) sa Soccsksargen kon Region 12.
Una niini, gihuptan sab ni Gaspan ang Women and Children Protection Desk (WCPD) isip chief, deputy chief sa City Investigation and Detection Management Unit (CIDMU) ug chief sa Human Rights Action Office sa kapulisan.
Sumala ni Gaspan nga ang papel isip tigpamabang opisyal di na bag-o kaniya, diin mohangop na lang siya sa dugang pang mga kahibalo ug ang pagpadayon sa mga butang diha sa maayong panig-ingnan sa mga sakop sa tigbalita. (Jeepy P. Compio)