SUNOG niulbo sa Sitio Santo Niño, Barangay T.Padilla, siyudad sa Sugbo apan usa lang ka balay ang naapektohan ug wala usab kini hingpit nasunog human nadali sa pagtabang sa mga bombero, alas 10:36 sa buntag kagahapon, Enero 27, 2022.
Si SFO Riza Julve sa Cebu City Fire Office niingon nga na gsugod ang pag-ulbo sa kayo sa panimalay ni Meriam Sapantam nga giukopahan sa usa ka ‘Marjorie’.
Matod ni Julve, nagduda sila nga usa ka kandila nga nabiyaan sa ikaduhang andana sa kwarto sa anak sa nagukopar sa maong panimalay ang sinugdanan sa kayo human wala pa mahibalik ang kuryente sa dapit.
Sa alas 10:41 sa buntag, gideklarar nga fire under control ug pagka alas 10:46 sa buntag gideklarar nga fire out.
Ang mga bombero nibanabana nga P13,500 ang danyos sa sunog. Way kinabuhi nga naapektohan sa sunog.