Dear Papa Joe,

Ako diay si Michael, 49 anyos, minyo na ug dunay tulo ka mga anak.

Maayo man ang among kahimtang ug usa ko ka good provider pero di womanizer. Pero sa akong edad, wa gyud mawala sa akoa ang mahiligon sa sex. Pero sa asawa ra nako. Mao ni akong problema ron kay everytime ganahan ko, daghan kaayo og balibad akong asawa og una kay guwang na kuno mi. Pero kon moabot ang higayon nga siya may gusto ug mobalibad ko og tuyo agi og bawos, daghan na kuno kaayo og istorya. Kumo naa kuno koy laing babaye mao kapuyon na ko niya.

Mao ni akong suliran nga init pa man ko, motilaw kaha ko og lain?

MICHAEL

Michael,


Pagpuyo oi! (hahaha). Well, sabta sad imong asawa basin nahadlok lang na siya mamabdos kay daghan na imong anak. Usa pa, basin nahadlok siya sa sitwasyon nga naa pa ta sa pandemic ug masakit siya o ang inyong mga anak o anak kon mamabdos siya. Pero kon nag control mo, go. Pero ayaw sad og kupog dayon, subornuhi sa imong wife para dali mosugot.

Pangitag paagi nga malipay sad siya di lang sa lawasnong kalipay.

PAPA JOE