Dear Noy Kulas,
Tagoa lang ko sa ngan nga Jun. Minyo na ko ug dunay duha ka mga anak. Ang akong asawa toa sa gawas nanarbaho while ako nabilin kay naa mi gamay nga negusyo ug gaatiman sa mga bata. Naa mi balay nga paabangan ang mga kwarto.
Tungod kay Covid, di tanang rooms okupado. Usa sa mga nag-abang tawgon lang nato og Rose. Mga 30 anyos kapin na siya ug minyo but wa pa silay anak. Taga Mindanao ni siya apan nia nag work sa Cebu.
Nagkasuod mi niya kay maayo siya managad ug estoryador kaayo bisan unsa ang topic. Adtong bagyong Odette didto ko nagpagabii kay di kaayo lig-on ang structure. Naatol to nga kami rang duha kay nanguli ang ubang nag-abang. Nag brownout ug sa kakusog sa hangin, nakuyawan ming duha pero mao diay to ang sugod, kalit ra mi nanginit ug didto dunay nahitabo namo.
Ambot basin sa among kahidlaw, nakaadlawnan mi og saka sa himaya. Mingawon na mi sukad ato ug sige na mi og kawat sa kalipay. Ug niabot nga we say “I love you” kay mingawon na mi. Nakahibawo mi nga di maayo pero lisod pugngan especially sa sex kay uhaw ming duha.
Asa kaha mi magsugod kon amo ning putlon? Unsaon man?
JUN
Jun,
Kamo ra sang duha ang makatubag niana. Tinuod bitaw, lisod kaayo nang pugngan basta kahidlaw nay imong kontra. Lisod likayan kon ang needs satisfaction ang magduwa ninyong duha.
Magsugod mong duha sa pagputol sa communication ug panagkita. Kana mahimo lang na kon imo siyang pabalhinon og puyo. Lisod baya kaayo nang duna nay nahitabo, magkinantahay nag usab. Busa likayan nga magkita, magtawganay ug text.
It takes time but moabot ra mo niana nga period. Lisod kaayo awayon ang kamingaw ug kahidlaw but sa ako nang giingon, mahimo ninyo na sa hinay o kalit nga paagi. Ubani ninyo og pag-ampo.
NOY KULAS
kulassuper@sunstar.com.ph