Magsayo mokulit og kaugalingon niyang legasiya, pagtuo sa analyst

Human niya nasakmit ang World Boxing Council (WBC) featherweight title, si Mark Magsayo usa na sa mga nagdala sa hulagway sa Pilipinas sa kalibutan sa boksing, matod sa beteranong Filipino boxing analyst nga si Ed Tolentino.

Si Magsayo, 26, miilog sa WBC featherweight title gikan kang American Gary Russell Jr. pinaagi sa surpresang majority decision nga kadaugan dili pa lang tantong dugay.

Sa kadaugan, misaka ang rekord ni Magsayo ngadto sa 24-0, 16KOs.

“He is young and undefeated, why not? He is one of the new faces of boxing and we need it. We need young blood because that is the life of boxing, they are the cycle of life and we need that,” batbat ni Tolentino nga napatik sa www.abs-cbnnews.com.

Ang pagsulbong sa boxing career ni Magsayo naatol nga edaran na sab si WBC bantamweight champion Nonito “Filipino Flash” Donaire ug miretiro na si 8-division world champion Manny Pacquiao.

“Nonito Donaire is winding at 39 years old and maybe this year he ends his career and join Manny Pacquiao in the retirement pasture, then there’s Jerwin Ancajas and John Riel Casimero,” dugang ni Tolentino.

Ang kadaugan ni Magsayo batok kang Russell maoy naghatag sa Pilipinas sa ikalimang world title niini sa kasamtangan.

Halayo pa man tuod si Magsayo kumpara sa naabot nila ni Pacquiao ug Donaire apan alang kang Tolentino, adunay laing Pinoy nga boksidor nga nahatagan og oportunidad nga makakulit og kaugalingon niyang legasiya.

“We welcome new faces because we are now in the post-Pacquiao era. The bandwagon is gone and only the loyal boxing fans are left,” batbat ni Tolentino.

“He may not be the new Pacquiao. He may not be the second Pacquiao. He may be the first Magsayo and it may not be bad if he excels down the road.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph