Mihangyo ang Gilas Pilipinas og suporta gikan sa Philippine Basketball Association (PBA) alang sa kampanya niini sa February window sa FIBA World Cup qualifiers.
Mismong ang nahibalik nga coach sa Gilas nga si Chot Reyes ang mihangyo niini.
Nagpatawag og emergency meeting ang PBA Board of Governors aron tukion ang kabahin sa hangyo ni Reyes.
Sa usa ka zoom meeting kauban sila si PBA commissioner Willie Marcial, deputy commissioner Eric Castro ug special assistant to the commissioner Mich Flores, gipresentar ni Reyes ang iyang plano nga mohuwam og mga magduduwa sa TNT Tropang Giga aron motapak sa haw-ang sa puwersa sa Gilas.
Ubay-ubay ang nawagtang sa puwersa sa national team gumikan kay nanuwa kini sa gawas sa nasod sama na lang sa batan-ong higante nga si Kai Sotto, kinsa nagduwa sa National Basketball League (NBL) sa Australia.
“Ayaw naman i-disrupt ni coach Chot ang PBA. So ang plano niya mag-inject lang ng TNT players sa Gilas for the qualifiers set in the last week of February,” asoy ni Marcial nga napatik sa www.pba.ph.
“What we would do now is to adjust our schedule to accommodate the request. Paglalaruin na agad namin ang TNT sa Governors’ Cup resumption, four to five games, para pagdating ng FIBA qualifiers, libre na ang TNT players.”
Ang Pilipinas maoy mo-host sa February window sa Araneta Coliseum diin ikasangka sa Gilas ang South Korea karong Pebrero 24, India karong Pebrero 25, ug New Zealand karong Pebrero 27.