NAKAKUHA og dugang haligi ang Gilas Pilipinas alang sa ilang kampanya sa February window sa 2023 FIBA World Cup Asian Qualifiers human misanong si Thirdy Ravena nga makig-uban og balik sa puwersa sa nationals.
Sa interbyu sa GMA News Online, nagkanayon si Samahang Basketbol ng Pilipinas (SBP) president Al Panlilio nga miabot na sa Pilipinas si Ravena sa miaging adlaw gikan sa Japan diin nagduwa siya isip import sa San-en NeoPhoenix sa Japan B. League.
Ang team manager sa Gilas nga si Butch Antonio miingon nga moapil dayon si Ravena sa training sa nationals sa Moro Lorenzo Gym.
“He’s gonna join as soon as possible. But we’re not going to hold a bubble, we will hold the training at the Moro Lorenzo Gym,” matod ni Antonio.
Ang Gilas mosugod sa ilang kampanya sa torneyo karong Pebrero 24, 2022 batok sa higpit niining karibal nga mao ang South Korea.
Sunod nga ikasangka sa Gilas mao ang India karong Pebrero 25 ug New Zealand karong Pebrero 27 una sila makigsangka og balik sa South Korea karong Pebrero 28.