NA-FINALIZE na ang tanan alang sa panagharong nila ni World Boxing Organization (WBO) bantamweight champion Filipino Johnriel Casimero ug British Paul Butler karong Abril 22, 2022 sa Liverpool, United Kingdom.
Kini maong panagsangka maoy main event sa dakong promosyon nga gihan-ay sa bag-ong boxing outfit sa kalibutan nga mao ang Probellum nga naglakip sab sa dagkong mga pangalan sama ni World Boxing Association (WBA) super middleweight king Rocky Fielding.
Niadto ra untang Disyembre, 2021 gikatakda ang panagsangka nila ni Casimero ug Butler apan wala kini nadayon human nakasinati og sakit sa tiyan ang gitawag og Quadro Alas sa Ormoc City atol sa adlaw sa weigh-in.
Si Casimero naggunit og 31-4, 21KOs nga rekord samtang si Butler adunay 33-2, 15KOs nga baraha.
Nagkanayon si Probellum president Richard Schaefer nga naghinamhinam na silang makapahigayon og promosyon sa United Kingdom sa labing unang higayon.
“Liverpool is one of the most passionate boxing cities in the world and we are delighted to be holding our first show at the M&S Bank Arena in April,” asoy ni Schaefer nga napatik sa boxingscene.com.
“With the likes of John Riel Casimero, Paul Butler, and Rocky Fielding all set to put on a great show, we fully expect some thrilling fights and a fantastic occasion.”