MAG-TRAINING na’g balik ang labing unang Olympic gold medalist sa Pilipinas nga si weightlifter Hidilyn Diaz alang sa iyang tinguha nga makabaton og puwesto sa umaabot nga Southeast Asian (SEA) Games.
Nagkanayon si Diaz nga hinayhinay nang nibalik ang iyang kusog human sa taas niyang pahuway ug sa kahasol nga iyang nasinati dihang na-positibo siya sa Covid-19.
“Ngayon medyo, base sa sinabi ni coach Julius [Naranjo], after two weeks of heavy training, medyo lumakas na ako, medyo nakarecover na after Covid and the holidays,” matod ni Diaz nga napatik sa www.gmanews.tv.
“Medyo mahirap magbalik pero nakabalik naman ngayon. Medyo nandun na ‘yung lakas.”
Matod ni Diaz nga una niyang sagubangon ang SEAG qualification tournament karong Marso, 2022 ug kon maka-qualify na siya, hayan pahugtan na niya ang iyang training.
Gipasabot ni Diaz nga bisan naabot na niya ang iyang pangandoy nga Olympic gold, grabe gihapon ang iyang kahidlaw nga makahatag og dugang dungog sa nasod.
“Gutom na gutom pa rin. Ginagawa ko ito kasi mahal ko ‘yung sport,” dugang ni Diaz.
“Kahit masabi na nanalo na ako ng gold sa Olympics, hindi ibig sabihin na mag-stop na ako. Tuloy-tuloy pa rin dahil ito ang gusto kong gawin.”