ANG pambato sa Sugbo nga si Raven Faith Alcoseba ug Andrew Kim Remolino mipakita sa ilang katakos didto sa 2022 National Age Group Triathlon (NAGT)-Subic kagahapon.
Si Alcoseba maoy midaog sa women’s standard elite human niya makompleto ang swim-bike-run nga rota sulod sa 2 ka oras, 23 minutes ug 19 segundos.
Si Erika Nicole Burgos maoy mikuha sa ikaduhang luna na adunay 2:25:45 nga oras, samtang si Lauren Plaza anaa sa ikatulo nga pwesto nga adunay 2:29:38 nga oras.
Ang 2019 Southeast Asian Games silver medalist nga si Remolino milabni sa ikaduhang pwesto sa men’s elite race sa oras nga 2:05:44. Segundos lang ang ilang gap sa eventual winner nga si John Leerams Chicano.
Si Joshua Alexander Ramos maoy mikompleto sa men’s top three.
Ang ubang Sugbuanon nga miapil sa lumba mao sila Renz Wynn Corbin (2:17:19, men’s 9th place), Karen Manayon (2:30:07, women’s 4th place) ug Moira Frances Erediano (2:31:14, women’s 5th place).