NAPILI si Phoenix Super LPG Fuel Masters isip Cignal Play-PBA Press Corps Player of the Week si Matthew Wright sa labing unang semana gikan sa pagbalik sa aksyon sa Philippine Basketball Association (PBA) Governor’s Cup.
Ang Fil-Canadian niposte og 27 puntos ug 10 assists aron agakon ang Fuel Masters ngadto sa kulbahinam nga kadaugan batok sa TNT Tropang Giga, 93-92, niadtong Dominggo, Pebrero 13, 2022 sa Araneta Coliseum.
Kini maoy ikaduhang sunodsunod nga higayon nga naangkon ni Wright kining maong pasidungog.
Siya sab ang nakakuha niini sa labing ulahing semana sa wala pa nahunong ang aksyon sa komperensya sa miaging tuig gumikan sa kahasol nga hatod sa Covid-19.
Gipasabot ni Wright nga kinahanglan niyang mokayod og maayo hilabi na kay adunay angol ang duha sa ilang mga kauban.
“We have couple of guys that are out with some injuries, we have a new import, but we can’t make excuses,” batbat ni Wright nga napatik sa www.pba.ph.
“It’s been like two months since our last game, so I don’t care if it’s only five of us going out to play. We’re going to play as hard as we can.”