Naka-qualify sa duha ka world championships karong tuiga si Filipino pole vault Olympian human siya nakabira og gold medal sa bag-uhay lang nahuman nga Orlen Cup 2022 sa Poland.
Ang paghari ni Obiena sa 5.81-meter vault sa Poland maoy naghatag kaniya og mga luna sa World Indoor Athletics Championships sa Belgrade karong Marso 18-20 ug World Athletics Championships karong Hulyo 15-24 sa Eugene, Oregon.
Ang World Indoors adunay 5.81-meter standard samtang ang World Championships adunay 5.80-meter standard.
Mao kini ang ikaduhang higayon nga naka-qualify si Obiena sa World Championships.
Sa premiro niyang salmot ning maong kompetisyon niadtong 2019 sa Doha, si Obiena nahiluna sa ika-15.
Mao kini ang labing unang higayon nga mokampanya si Obiena sa World Indoors.