Dear Noy Kulas,
Tawga lang ko og Martha, 39 na ko ug naa nagtrabaho sa abroad. Di lang nako idetalye kay daghan ko og relatives nga nagbasa sa inyong newspaper. Minyo ko ug ang akong bana maoy nahabilin diha nga gaatiman sa mga bata.
But naguol ko kay wa na ko makauli sukad sa pandemic kay nahadlok ko nga di na unya ko makabalik diha kay strict kaayo ang policies sa travel.
Mao ni ang akong problema karon. Dunay rumor nga ang akong manghod nga babaye dunay relasyon sa akong bana. Kining akong sister dalaga pa ni but nakaagi na ni og mga relationship nga minyo ang lalake. Ang gasulti nako ani mao ang among relative nga nakakita nila kadaghan nga nanglakaw. Ang among parents wa kahibawo ani.
Unsa man ang akong buhaton? Sultihan nako ang akong family? Galibog na ko karon.
MARTHA
Martha,
Ingna ang imong relative nga pakuhai og picture kon iyang makit-an sa sunod higayon unya i-send sa imong bana ug igsuon pinaagi nimo. At least imo silang makuhaan sa ilang side unsa ka tinuod ang mga estorya.
Okay ra nang makit-an og ka usa o kaha ka duha kay basin nagkaatol lang sab nga nagkakita. Apan kon sige sige na lang sab nga magkakita, lain na tuod nang estoryaha. Hangtod nga makahatag sila sa ilang side, diha na ka motimbang kon motuo ka ba o di sa mga pagduda nga duna silay relasyon.
NOY KULAS
kulassuper@sunstar.com.ph