NING bag-uhay lang, ang gikonsiderar nga bibliya sa boksing nga mao ang Ring Magazine nagpagawas og listahan sa best 100 boxers sa kasaysayan diin nahimutang sa ikasiyam nga luna si Filipino boxing legend Manny Pacquiao.
Gawas kang Pacquiao, kinsa maoy bugtong 8-division world champion, nalakip sab sa listahan ang laing Pinoy nga si Nonito Donaire.
Nahiluna sa ika-60 ang gitawag og Filipino Flash.
Nag-una ning maong listahan mao si Sugar Ray Robinson, ikaduha si Joe Louis, ikatulo si Muhammad Ali, ikaupat si Tony Canzoneri, ikalima si Emille Griffith, ikaunom si Floyd Mayweather Jr, ikapito si Willie Pep, ikawalo si Ezzard Charles ug ika-10 si Archie Moore