Gipahibalo sa World Boxing Council (WBC) nga ang wala’y pildeng Mexican fighter nga si Rey Vargas maoy mandatory challenger alang ni WBC featherweight champion Filipino Mark Magsayo.
Si Vargas, 31, naggunit og impresibong 35-0, 22 KOs nga rekord samtang si Magsayo, 26, adunay 24-0, 16KOs nga baraha.
Hinuon, wala pa’y klaro kon kanus-a mapahigayon ang away nila ni Magsayo ug Vargas.
Bisan pa niini, ang beteranong boxing analyst sa Pilipinas nga si Ed Tolentino nipagawas na og panahom kabahin ning maong panagparang.
Alang kang Tolentino, maglisod pagdaog si Magsayo batok kang Vargas apan wala kini nagpasabot nga wala na’y dag-anan ang Boholano.