Gipawngan sa TNT og kahayag ang Meralco, 21-19, aron sakmiton ang first leg title sa 2022 PBA 3x3 season kagahapon didto sa Smart Araneta Coliseum.
Nagpasikatay si Almond Vosotros sa TNT ug Tonino Gonzaga sa Meralco sa uwahing bahin sa duwa.
Si Gonzaga mitabla sa duwa, 17-17, apan dali pud nga nakabawos si Vosotros og haymaker nga maoy nakapalabaw sa TNT.
Ang TNT midaog pud sa maong torneyo sa miaging tuig.
Ang Barangay Ginebra mao ang mikuha sa ikatulo nga pwesto pinaagi sa paglupig sa 2021 grand champion Limitless, 21-17.