“Follow your heart”
Maoy komon nga panultihon nga kanunay natong madunggan, labina sa Valentine’s Day uban sa mga romantikong salida sa sine, hugot lines ug pakig-date uban sa atong minahal. Mao usab kini alang sa atong maayong kasingkasing. Ang kalit nga pagpanakit sa dughan, kahasol, o kalisod sa pag ginhawa maoy kasagaran nga mga timaan sa sakit sa kasingkasing, ug gikinahanglan ang dinaliang pagtagad. Apan pipila ka mga problema sa kasingkasing sama sa high blood pressure naila nga “silent killer,” kay sagad sa mga tawo nga naa niini way mga simtomas. Ug kon ang high blood pressure mamahimo nang heart failure o stroke, hayan mosangko kini ngadto sa tibuok kinabuhi nga suliran sa panglawas alang sa tawo.
Ang Hi-Pre Cebu nagtuo nga ang “gugma molungtad uban sa maayo nga kasingkasing.” Busa mao kini ang pipila ka Health Tips unsaon sa pagkombate sa sakit sa kasingkasing.
Sayri ang mga risgo
Aron mapugngan ang sakit sa kasingkasing, mahinungdanon nga masayran ang mga major risks aron ato kining malikayan. Ang mga major risks mao ang overweight, pagpalabi og kaon sa tambok nga mga pagkaon, pagpalabi og inom sa alcohol, pagpanigarilyo ug way hustong ehersisyo. Ang kinatibuk-ang risgo sa sakit sa kasingkasing mosaka usab uban sa edad.
Ang sustansyang klase sa mga pagkaon ug regular nga pag-ehersisyo makatabang sa pagpaminos sa risgo sa sakit sa kasingkasing, apan ang pagmaintain sa maayong panghuna-huna makatabang usab sa paglanat og dugay sa maayong kahimtang sa kasingkasing. Nasayod ka ba nga ang depression, anxiety, stress ug kasuko makadaut sa imong kasingkasing? Therapy, pag-ampo, paggahin og panahon sa mga higala ug pagpasaylo sa mga nakapasakit kanimo dako kaayo og matabang aron mapugngan ang sakit sa kasingkasing.
Pag-ehersisyo kanunay
Ang ehersisyo usa ka epektibo nga pagpalig-on sa kasingkasing, mopalig-on sa kabukogan, mopanindot sa mood, ug makatabang pa sa pagpataas sa kinabuhi. Ang regular nga pag-ehersisyo makasanta sa mga sakit sama sa diabetes ug sakit sa kasingkasing. Mga doktor sa tibuok kalibutan nirekomendar og 150-300 ka minutos nga ehersisyo matag semana alang sa moderate nga aerobic (lakaw, dagan, langoy, pagbiseklita), o 75 ka minutos nga grabeng ehersisyo.
Pagpa-test og regular
Sa katapusan, mga doktor nirekomendar nga ang tanang mga tawo nga nag-edad og 40 o ang pamilya dunay kaliwat sa sakit sa kasingkasing kinahanglan nga magpahiling maka usa sa matag tuig. Kini naglakip sa pagbisita og cardiologist ug pagpailawom sa pipila ka heart tests aron masusi kon wala bay makit-an nga problema. Ang sayo nga pagkaplag sa high blood pressure o uban pang mga warning signs mahinungdanon kaayo aron ang doktor makahatag pa sa hustong tambal o plano aron mapugngan ang bisan unsa nga makamatay o makadaut sa kinabuhi nga strokes o atake sa kasingkasing. Ug kon ikaw nagtumar og tambal alang sa kasingkasing, ang regular nga testing maghatag usab og kahigayunan sa imong doktor kon maayo ba ang imong recovery ug epektibo ba ang imong tambal.
Ang sayo nga pagkaplag dili mahal, minos ang kahasol ug magseguro sa mas taas nga kinabuhi niadtong regular nga magpa test. Unsa man ang test nga imong gikinahanglan? Ang labing maayong paagi mao ang pagkonsulta sa doktor, apan ang labing maayo nga check mao ang kinatibuk-an nga check up sa kasingkasing pinaagi sa pagpailawom sa ECG test sa Hi-Pre Cebu.
Ang Hi-Pre Cebu naghatag og kompletong tests ug mga serbisyo aron makatabang kanimo nga magpuyo nga maayo ang imong kasingkasing. Ang Hi-Pre Cebu nag-offer sa tanang mga konsultasyon sa mga doktor, blood tests, ECG, 2D Echo, CT Scan, ug daghan pang specialized tests. Ania pa, ang Hi-Pre Cebu nag-offer usab niini sa kaya kaayo nga presyo sa nagkalainlaing mga branches sa Cebu City, Mandaue, Mactan, Talisay, Liloan ug Naga.
Aron sa mga dugang kasayuran, bisitaha ang Hi-Precision Diagnostics Cebu sa Facebook o contact kanamo pinaagi sa landline (888 2222) o cell phone/Viber (0917 770 3638). (SPONSORED CONTENT)