NATUPNGAN ni Filipino pole vault Olympian EJ Obiena ang iyang season-best sa iyang paglangkat sa titulo sa Orlen Copernicus Cup sa Toruń, Poland niadtong Pebrero 22, 2022 (RP time).
Wala’y sangit nga nalutsan ni Obiena ang 5.81-meters sa ikatulo niyang pagsuway nga maoy nagtunol kaniya sa kadaugan sa torneyo nga gisalmutan og 11 ka dekalidad nga pole vaulters lakip na niini si 2016 Olympic champion Thiago Braz sa Brazil.
Misuway unta si Obiena pag-clear sa 5.91-meters aron pagposte og bag-ong season-best apan wala kini niya nahimo human sa tulo ka mga pagsuway.
Si Obiena unang nakalusot sa 5.81-meters niadtong Pebrero 11, 2022 sa Orlen Cup 2022 nga gipahigayon sab sa Poland.