NAGKANAYON si Rain or Shine Elasto Painters guard James Yap nga dili siya moretiro hangtod nga makuha niya ang all-time record sa labing daghan nga three-point shots nga mapasulod sa usa ka magduduwa sa Philippine Basketball Association (PBA).
Mao kini ang gipabuhagay ni Yap sa interbyu ni Dolly Ann Carvajal sa Inquirer human siya nipatong sa 40 anyos niadtong Pebrero 15, 2022.
“Gusto ko munang ma-reach ang PBA record for all-time No. 1 in three-point shots,” asoy ni Yap.
“I need to make 50 more of those shots. Pag na-achieve ko na ‘yun, pwede na siguro akong mag-retire.”
Si Jimmy Alapag maoy naggunit ning maong rekord diin nakarehistro siya og 1,250 ka three-point shots sulod sa 13 ka mga tuig nga pagduwa sa TNT Tropang Giga ug Meralco Bolts.
Matod ni PBA statistics chief Fidel Mangonon, si Yap, kinsa nisulod sa PBA niadtong 2004, kasamtangang adunay 1,177 three-pointers.
Nagkinahanglan pa si Yap og 74 ka three-pointers aron mabuak ang rekord ni Alapag.