Mga duwa karon (Pebrero 25, 2022):
3:00 pm- NLEX batok Rain or Shine
6:00 pm- Ginebra batok Blackwater
Paamagon og suway sa Brgy. Ginebra Gin Kings ang ilang poruhan nga makasulod sa quarter-finals sa ilang pagpakigbatok sa nagkasalimoang nga Blackwater Bossing sa main game karong alas 6:00 sa gabii (Pebrero 25) sa Philippine Basketball Association (PBA) Governor’s Cup sa Ynares Center sa Antipolo City.
Ang Gin Kings, nga mao ang defending champions, maayo untang nakasugod sa season-ending conference ug misagunson kini pagposte’g tulo ka mga daog.
Apan human niini, nasagunsonan og upat ka mga pilde ang Gin Kings nga nagpatagak kanila sa ikawalong puwesto bitbit ang 3-4 nga rekord.
Hinuon bisan pa niini, nakabintaha gihapon ang Gin Kings batok sa Bossing, nga wala pa nakatilaw og daug sulod sa pito ka mga duwa.
Sa premirong duwa, magsangka ang NLEX Road Warriors (6-3) batok Rain or Shine Elasto Painters (3-5) karong alas 3:00 sa hapon.