Mga duwa karon:
4:00 pm - Meralco
batok Alaska
6:30 pm - NorthPort
batok Phoenix
Angkunon og suway sa Meralco Bolts ang solong liderato sa ilang pagpakigbatok sa Alaska Aces sa premirong duwa karong alas 3:00 sa hapon sa Philippine Basketball Association (PBA) Governor’s Cup sa Ynares Center sa Antipolo City.
Ang Bolts, nga adunay 6-1 nga rekord, kasamtangang nakigbahin sa Magnolia Ang Pambansang Manok Hotshots sa ibabaw nga puwesto.
Gawas sa solong liderato, tinguha sab sa Bolts nga makapaduol sa pultahan sa top four sa 11-game elimination round nga adunay nagtangag nga bintaha inig sugod sa quarter-finals.
Sa ilang bahin, ang Aces kasamtangang nagpatong sa ikaupat nga puwesto bawon ang 5-3 nga rekord.
Kon modaog ang Aces, hayan makaseguro na sila og puwesto sa quarter-finals nga magpaduol kanila alang sa ilang tinguha nga magbawon og kalampusan sa ilang pagbiya sa liga.
Ning bag-uhay lang, gianunsyo sa Aces nga kini maoy katapusang komperensya nga ilang salmutan ug hingpit na silang manamilit sa labing unang professional nga liga sa Asya.
Sa main game, magsangka ang NorthPort Batang Pier ug Phoenix Super LPG Fuel Masters.