Duha ka semana nga maglingkod lang usa sa sideline si Rajon Rondo sa Cleveland Cavaliers tungod sa sprained toe niini.
Na sprained ni Rondo ang iyang right big toe sa fourth quarter sa ilang duwa batok Detroit niadtong Biyernes. Wala matiwas ni Rondo ang maong duwa.
Human sa MRI, nasuta ang sprain sa 36-anyos nga beteranong point guard.
Gikuha sa Cavaliers si Rondo human na-injured ang point guard nga si Ricky Rubio. Mas nidako ang papel ni Rondo sa team kay kinahanglan og taas nga pahuway si All-Star guard Darius Garland tungod sa bone bruise sa iyang likod.
Nagkadaghan ang injury problem sa Cavaliers kay ang bag-o nilang nakuha nga si Caris LeVert di pud kaduwa og duha ka semana tungod sa right foot sprain.
Anaa sa ikalima nga pwesto sa Eastern Conference team standings ang Cavaliers bitbit ang 35-24 nga rekord.