Nasugamak sa dakong kapildihan ang Gilas Pilipinas batok sa mas dagko ug tag-as nga New Zealand Tall Blacks, 88-63, niadtong Dominggo sa gabii, Pebrero 27, 2022 sa katapusang adlaw sa February window sa FIBA World Cup Asian Qualifiers sa Smart Araneta Coliseum.
Sa pagpangulo ni Thirdy Ravena, ang Gilas nakahatag og saktong kombati sa sayong bahin ug igo lang naggukod ang mga Pinoy og tulo ka mga puntos, 22-19, pagkahuman sa 1st quarter.
Apan ningbahar ang opensa sa Gilas Pilipinas sa 2nd quarter ug nakadugang lang sila og puntos sa ika-6:59 minutos gikan sa freethrow ni Ange Kouame.
Sa halftime, nalubong na’g sugod ang Gilas, 40-30.
Padayon ang dominasyon sa Tall Blacks hangtod nga nainat nila ang ilang labaw ngadto sa 65-48 paghuman sa 3rd quarter. Wala na molingi pagbalik ang bisitang mga basketbolista.
Puntos matag usa
New Zealand (88) – Vodanovich 20, Prewster 20, Loe 15, Samuel 12, Rusbatch 10, Harris 5, Fahrensohn 4, Britt 2
Gilas Pilipinas (63) – Ravena 23, Ramos 18, Bolick 10, Kouame 5, Pogoy 4, Rosario 2, Williams 1.