Donaire vs. Inoue hapit na

Hapit na mahan-ay ang panagharong og balik nila ni Japanese Naoya “Monster” Inoue ug Nonito “Filipino Flash” Donaire.

Mao kini ang gipabuhagay sa bantugang boxing promoter sa kalibutan nga si Top Rank boss Bob Arum, kinsa maoy co-promoter ni Inoue.

Gipasabot ni Arum nga ang nakababag na lang ning maong plano mao ang border control restrictions sa Japan kabahin sa Omicron variant sa Covid-19.

“I think that’s really close,” matod ni Arum nga napatik sa www.boxingscene.com.

“Everything depends not on Donaire, not on Inoue, but on the Japanese government lifting the restrictions on events and so forth.”

Grabe ang aksyon sa premirong away niadtong 2019 diin midaog si Inoue pinaagi sa unanimous decision.

Si Inoue, kinsa adunay 22-0, 19KOs nga rekord, maoy naggunit sa World Boxing Association (WBA) ug International Boxing Federation (IBF) bantamweight titles samtang si Donaire, kinsa naggunit og 42-6, 28KOs nga baraha, maoy kasamtangang tag-iya sa World Boxing Council (WBC) bantamweight belt.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph