Suspek sa pagpusil sa pulis sa Sibonga mitahan na sa PRDEU 7

KUYOG ang pamilya, nitahan sa Regional Police Drug Enforcement Unit (RPDEU) 7 sa Camp Sergio Osmeña ang suspek sa pagpusil sa usa ka pulis sa lungsod sa Sibonga.

Niadto sa buhatan ni RPDEU 7 chief Police Lieutenant Colonel Ronnie Failoga mao si Ace Suico Ibo, 35, suspek sa pagpusil kang Police Corporal James Obenza niadtong Huwebes sa gabii, Pebrero 24, 2022.

Si Police Colonel Glenn Mayam, pangulo sa Regional Intelligence Division (RID) 7, nibutyag nga alas 5:00 sa hapon sa Biyernes, Pebrero 25, 2022, si Ibo nitahan kang Failoga kuyog ang mga ginikanan sa suspek.

Matod ni Mayam nga niangkon si Ibo nga tungod sa iyang kahadlok sa posibleng unsay mahitabo kaniya ilabi na nga pulis ang iyang napusilan, nakahukom siya sa pagtahan kuyog ang iyang mga ginikanan.

Sila si Ibo ug Obenza pulos mga sakop sa usa ka fraternity ug nanambong sa panagtigom sa ilang organisasyon sa wa pa ang pagpamusil.

Apan kalit nga gipusil ni Ibo si Obenza sa way igong hinungdan.

Naigo si Obenza sa apapangig ug dihang giusban na unta, nikagar ang pusil hinungdan nga gilayog sa pulis si Ibo aron ilugon ang armas.

Dihang natagak sa yuta ang armas, nikaratil pagdagan si Ibo.

Matod ni Mayam nga niangkon si Ibo sa iyang sayop, apan wa na mosulti kon unsay iyang motibo sa pagpusil.

Luwas na sa kakuyaw si Obenza sulod sa tambalanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph