GITANGTANGAN si Russian president Vladimir Putin sa iyang honorary taekwondo black belt gumikan sa iyang pag-ataki sa Ukraine.
Ang World Taekwondo, nga adunay motto nga “Peace is More Precious than Triumph”, mikondenar sa gihimo sa Russia ngadto sa Ukraine.
Gipasabot sa World Taekwondo nga ang brutal nga pag-ataki sa Russian military sa inosenteng mga kinabuhi sa Ukraine nakasupak og dako sa sports values .
“In this regard, World Taekwondo has decided to withdraw the honorary 9th dan black belt conferred to Mr. Vladimir Putin in November 2013,” pamahayag sa governing body nga napatik sa Reuters.
Ang World Takewondo nakigduyog sab sa International Olympic Committee sa pag-ban sa Russian flag ug anthem sa ilang events.
Ang ubang dagkong sporting organizations sama sa FIFA ug UEFA mingsuspenso sab sa Russian national teams sa ilang mga kompetisyon